اردو ورلڈ کینیڈا ( ویب نیوز)پاکستان تحریک انصاف (پی ٹی آئی) نے حکومت سے مذاکرات کی ناکامی کی صورت میں بڑی تحریک اور لانگ مارچ کا عندیہ دے دیا ہے۔
سماجی رابطے کی ویب سائٹ ٹوئٹر پر اپنے ٹوئٹ میں فواد چوہدری نے کہا کہ تحریک انصاف مذاکرات کی کامیابی چاہتی ہے لیکن ناکامی کی صورت میں حکمت عملی بنائی ہے۔
تحریک انصاف مذاکرات کی کامیابی چاہتی ہے لیکن ناکامی کی صورت میں حکمت عملی مرتب کرلی ہے، یہ نہیں ہو سکتا کہ آئین کو ردی کا ٹکڑا اور عوام کو کیڑے مکوڑے سمجھ لیا جائے اور تحریک انصاف خاموش بیٹھ جائے مذاکرات کی ناکامی کی صورت میں عوام بڑی تحریک کیلئے تیار ہو جائیں، تحریک کا آغاز کل…
— Ch Fawad Hussain (@fawadchaudhry) April 30, 2023
تحریک انصاف مذاکرات کی کامیابی چاہتی ہے لیکن اس نے ناکامی کی صورت میں حکمت عملی بنا لی ہے۔ یہ نہیں ہو سکتا کہ آئین کو کچرے کا ٹکڑا اور عوام کو کیڑے مکوڑے سمجھا جائے اور تحریک انصاف خاموش بیٹھی رہے۔ تحریک کے لیے تیار ہوجاؤ، کل سے تحریک شروع ہوگی
پی ٹی آئی رہنما کا مزید کہنا تھا کہ تحریک کا آغاز کل لاہور، اسلام آباد اور پشاور میں جلسے سے ہورہا ہے، اس کا کلائمکس تاریخی لانگ مارچ ہوگا۔
واضح رہے کہ حکومت اور تحریک انصاف کے نمائندوں کے درمیان مذاکرات کے حوالے سے دو ملاقاتیں ہو چکی ہیں۔
