جھوٹ بولنا اور سنسنی خیز خبریں بنوانا بشریٰ بی بی کا پرانا مشغلہ ہے،عظمیٰ بخاری

13

اردوورلڈ کینیڈا ( ویب نیوز)صوبائی وزیر اطلاعات اور مسلم لیگ ن کی رہنما عظمیٰ بخاری نے کہا ہے کہ جھوٹ بولنا اور سنسنی خیز خبریں بنوانا بشریٰ بی بی کا پرانا مشغلہ ہے۔
پی ٹی آئی رہنما بیر ستر سیف کے بیان پر ردعمل دیتے ہوئے لیگی رہنما عظمیٰ بخاری نے کہا کہ روزانہ کی خبروں میں رہنا بہت بزدلانہ طریقہ ہے، بشریٰ بی بی انڈے کھائیں، چکن کھائیں یا آئسکریم، مریم نواز کو پرواہ نہیں۔ مریم نواز کے فرشتے بھی نہیں جانتے کہ بشریٰ بی بی اڈیالہ جیل کی کس کوٹھڑی میں ہیں۔
انہوں نے کہا کہ بشریٰ بی بی کو ان کے شوہر کی طرح جیل میں بی کلاس سہولیات دی گئی ہیں، بشریٰ بی بی ان تمام اذیتوں سے محفوظ ہیں جن کا سامنا مریم نواز کو بانی پی ٹی آئی کے دور حکومت میں کرنا پڑا۔
عظمیٰ بخاری نے کہا کہ مریم نواز کو جن حالات میں کوٹ لکھپت جیل میں رکھا گیا اور نیب کی سزائیں یہ سب کچھ بشریٰ بی بی کی خواہش پر ہوا۔ بشریٰ بی بی توشہ خانہ سے تحائف چوری کرنے اور 190 ملین پاؤنڈ غبن کرنے کے جرم میں جیل میں ہیں۔
صوبائی وزیر اطلاعات کا مزید کہنا تھا کہ جیل میں ان دونوں میاں بیوی کو جو سہولیات میسر ہیں اس کا عام شہری تصور بھی نہیں کر سکتا۔ دکان چمکانے کے لیے ہر روز اپنی گندی زبان سے مریم نواز کا نام نہ لیں۔