اردوورلڈ کینیڈا( ویب نیوز)پاکستان شوبز انڈسٹری کی خوبرو اداکارہ انمول بلوچ نے کہا ہے کہ رشتے جذبات کی بربادی ہیں اس لیے براہ راست شادی کروں گی۔
اداکارہ انمول بلوچ نے حال ہی میں ایک میگزین کو انٹرویو دیا جس میں انہوں نے کیرئیر اور دیگر معاملات پر کھل کر بات کی۔
پروگرام کے دوران شادی کے معاملے پر بات کرتے ہوئے انمول بلوچ نے کہا کہ آج کے دور میں ہر کسی نے شادی کے لیے اپنی ترجیحات کا تعین کر رکھا ہے اور بہت سے لوگوں نے ترجیحات کی ایک لمبی فہرست بنا رکھی ہے۔
اداکارہ کے مطابق شادی کے لیے لڑکیاں ہونے والے شوہر سے بہت کچھ مانگتی ہیں کہ وہ امیر، خوبصورت، خواتین کی عزت کرے اور میری ہر بات سے اتفاق کرے۔
انمول بلوچ نے کہا کہ لڑکیاں سوچتی ہیں کہ وہ ایسے مرد سے شادی کریں گی جو خواتین کے بارے میں ایک خاص نظریہ رکھتا ہو اور خواتین کے حقوق کے معاملے پر ہمیشہ ان کی حمایت کرتا ہو۔
اداکارہ کے مطابق یہ درست ہے، شرائط رکھنے کا حق سب کو ہے لیکن وقت گزرنے کے ساتھ ساتھ تھک جاتا ہے، 50 سال سے جوڑے ایک دوسرے کا خیال رکھتے ہیں، ایک دوسرے کی شرائط پوری کرتے کرتے تھک جاتے ہیں۔
انہوں نے کہا کہ شادی ایک ایسا رشتہ ہے جس کے لیے دونوں کو قربانیاں دینی پڑتی ہیں، کوئی ایک شخص دوسرے کے لیے 100 فیصد بدل نہیں سکتا اور ایک جیسا نہیں رہ سکتا، اس لیے دونوں کو اپنی شخصیت کو تھوڑا بدلنا ہوگا