ishtiaq ahmed 
اردو ورلڈ کینیڈا ( ویب نیوز )قوم کو غلامی سے نجات دلانے والا بیرونی طاقتوں کا غلام نکلا۔ یہ ردعمل پاکستان مسلم لیگ ن کی نائب صدر مریم نواز نے پاکستان تحریک انصاف کے ممنوعہ فنڈنگ کیس پر الیکشن کمیشن کے فیصلے پر ردعمل کا اظہار کیا۔
ٹوئٹر پر جاری بیان میں مریم نواز نے کہا کہ فتنہ خان پاکستان کے پہلے اور واحد سیاستدان ہیں جو ناقابل تردید ثبوتوں کے ساتھ بیک وقت جھوٹا، کرپٹ، منی لانڈرر اور بیرونی قوتوں کے کہنے پر کام کرنے والے ثابت ہوئے ہیں۔
انہوں نے کہا کہ عمران خان کے خود ساختہ جھوٹے، دیانتداری اور حب الوطنی کے بت آج اوندھے پڑے ہیں
دوسری جانب وزیراطلاعات مریم اورنگزیب نے کہا کہ چور، جھوٹا، غیر ملکی فنڈنگ، منی لانڈرر بالآخر 8 سال بعد پکڑا گیا، عمران خان فوری طور پر پارٹی چیئرمین کے عہدے سے استعفی دیں، صادق اور امین نہیں۔
وزیر اطلاعات نے کہا کہ عمران خان جھوٹا اور جعلساز ہے، الیکشن کمیشن نے اس پر مہر لگا دی ہے، عمران خان نے اسرائیل، بھارت، امریکا، کینیڈا اور دیگر ممالک سے غیر ملکی فنڈنگ لی۔
ان کا مزید کہنا تھا کہ عمران خان نے غیر قانونی فنڈنگ کرکے پاکستان میں بغاوت کی۔
