اس بارے میں پولیس کو دفتر اور رشتہ داروں کی جانب سے فون پر بتایا گیا لیکن جب پولیس وہاں پہنچی تو وہاں 4 انسانوں اور 3 کتوں کی لاشیں پڑی تھیں جو ایک سے دو دن پرانی تھیں۔مرنے والوں میں البرٹو رولن، زوریڈا بارٹولوم، ان کے دو بچے 10 سالہ ایڈریل اور 7 سالہ ڈیاگو شامل ہیں جب کہ سفاک قاتلوں نے گھر کے 3 پالتو کتے بھی مار ڈالے۔

قتل کے اس لرزہ خیز واقعے میں تاحال کوئی گرفتاری عمل میں نہیں آئی تاہم حیران کن طور پر ڈپٹی چیف آف پولیس نے شہریوں کو یقین دلایا ہے کہ قاتل سے آس پاس کی آبادی کو کوئی خطرہ نہیں ہے۔ڈپٹی چیف آف پولیس نے میڈیا کو مزید بتایا کہ یہ اموات قتل کے بعد خودکشی کا معاملہ نہیں لگتا۔ ابتدائی شواہد سے لگتا ہے کہ یہ قتل کا واقعہ ہے تاہم تفتیش جاری ہے۔ معمہ جلد حل ہو جائے گا۔