ishtiaq ahmed 
وزیراعظم شہباز شریف نے آرمی چیف جنرل قمر جاوید باجوہ کو فون کیا اور فنانشل ایکشن ٹاسک فورس کی گرے لسٹ کی شرائط پوری کرنے پر مبارکباد دی۔
گزشتہ روز فیٹف کے صدر نے کہا تھا کہ پاکستان نے تمام شرائط پوری کر دی ہیں، پاکستان نے 34 آئٹمز پر مبنی اپنے دو ایکشن پلان مکمل کر لیے ہیں، شرائط کی تکمیل کی تصدیق پاکستان کا دورہ کر کے کر دی جائے گی۔
ایف اے ٹی ایف کے اعلان پر وزیراعظم شہباز شریف نے آرمی چیف جنرل قمر جاوید باجوہ کو فون کیا اور گرے لسٹ کی شرائط پوری کرنے پر مبارکباد دی
بیان کے مطابق وزیراعظم نے آرمی چیف کی جانب سے جنرل ہیڈ کوارٹرز میں کور سیل قائم کرنے کے فیصلے کو سراہتے ہوئے کہا کہ وہ سول، عسکری قیادت اور کور سیل میں شامل ٹیم کو سراہتے ہیں۔
آرمی چیف سے گفتگو کرتے ہوئے وزیراعظم نے کہا کہ قوم کو پاکستان کی فتح کے لیے کام کرنے والی ٹیم کے ہر رکن پر فخر ہے۔
