آئی ایم ایف کے مطابق پاکستان میں توانائی کے شعبے میں اصلاحات اور کارکردگی میں بہتری کے ذریعے پائیدار ترقی حاصل کی جا سکتی ہے۔ انٹرنیشنل مانیٹری فنڈ کی ڈائریکٹر کمیونیکیشن جولی کوزیک نے بریفنگ میں پاکستان سے متعلق سوال کا جواب دیتے ہوئے کہا کہ پاکستان میں ٹیکس ٹو جی ڈی پی کا تناسب انتہائی کم ہے۔
انہوں نے کہا کہ ملک میں امیر طبقے پر مزید ٹیکس لگائے جائیں۔ آئی ایم ایف کے ڈائریکٹر کمیونیکیشن نے کہا کہ پاکستان کو ایسی مانیٹری پالیسی کی ضرورت ہے جو مہنگائی کو کم کر سکے۔
انہوں نے کہا کہ جولائی میں آئی ایم ایف معاہدے کا مقصد پاکستان کی معیشت میں استحکام لانا ہے، پاکستان میں توانائی کے شعبے میں کارکردگی اور اصلاحات سے مستحکم ترقی حاصل کی جا سکتی ہے۔