انسانی سمگلنگ کا شبہ، بھارت سے آنیوالا طیارہ فرانس میں روک دیا گیا

برطانوی نشریاتی ادارے کے مطابق دبئی سے وسطی امریکی ملک نکاراگوا جانے والے طیارے کو فرانسیسی ایئرپورٹ پر روک کر 2 افراد کو گرفتار کرلیا گیا۔ طیارہ فرانس کے ہوائی اڈے پر ایندھن بھرنے کے لیے اترا تھا۔فرانسیسی حکام کے مطابق دبئی سے فرانس کے وتری ایئرپورٹ پر اترنے والے طیارے میں 300 سے زائد مسافر سوار تھے، جن میں سے زیادہ تر کا تعلق بھارت سے تھا۔

بھارتی طیارے کے مسافروں کو عارضی کیمپ میں رکھا گیا ہے۔ فرانس میں ہندوستانی سفارت خانے نے تصدیق کی ہے کہ طیارے کو روک لیا گیا ہے۔فرانسیسی سکیورٹی ادارے طیارے کے مسافروں سے تفتیش کر رہے ہیں۔ وتری ایئرپورٹ دارالحکومت پیرس سے 160 کلومیٹر دور ہے۔ چارٹرڈ طیارہ رومانیہ کی ایئرلائن کا ہے۔