اردو ورلڈ کینیڈا ( ویب نیوز ) سعودی عرب کی میٹرو ٹرین سروس ‘المشر ٹرین میں ریکارڈ 22 لاکھ عازمین حج نے سفر کیا۔غیر ملکی عازمین کو حج و عمرہ کے لیے بہترین سفری سہولیات، آرام دہ اور محفوظ ذرائع آمدورفت فراہم کرنے کے لیے المشیر ٹرین نے ریکارڈ تعداد میں عازمین کو ان کی منزل تک پہنچایا ہے۔سعودی ریلوے کی جانب سے سوشل میڈیا پر جاری کردہ ایک بیان میں کہا گیا ہے کہ رواں سال حج سیزن میں المشیر ٹرین میں 22 لاکھ عازمین نے سفر کیا۔
حکام نے بتایا کہ مکہ مکرمہ میں عرفات، مزدلفہ اور منیٰ کے درمیان 9 میٹرو ٹرین اسٹیشنز نے عازمین حج کی میزبانی کی، جبکہ حج کے دوران 2,206 میٹرو ٹرین کے ٹرپ چلائے گئے۔حج کے پہلے روز 29 ہزار عازمین کو ان کی منزل پر پہنچایا گیا جب کہ 2 لاکھ 92 ہزار سے زائد عازمین کو منیٰ سے عرفات تک سفری سہولیات فراہم کی گئیں۔المشیر ٹرین نے حج کے دوران 350,000 سے زائد عازمین کو عرفات سے مزدلفہ اور 383,000 عازمین کو مزدلفہ سے منیٰ پہنچایا۔نیز، ایام تشریق کے دوران منیٰ 1، منیٰ 2 اور مزدلفہ 3 سے منی 3 اسٹیشن تک 1.2 ملین عازمین نے میٹرو کی سہولت سے استفادہ کیا، جس سے حجاج کرام کے لیے جمرات پل تک پہنچنا آسان ہوگیا۔