اردوورلڈکینیڈا(ویب نیوز)چین میں تعینات پاکستان کے سفیر خلیل ہاشمی کو چینی وزیر خارجہ وانگ یی کی جانب سے “بہترین سفارتکار تمغہ” سے نوازا گیا ہے۔

بیجنگ میں وزارتِ خارجہ کے تحت منعقدہ ایک خصوصی تقریب میں یہ اعزاز پیش کیا گیا، جس میں انہیں پاکستان اور چین کے درمیان تعلقات کو مضبوط بنانے میں غیر معمولی خدمات اور مؤثر سفارتکاری کے اعتراف میں یہ اعزاز دیا گیا۔

خلیل ہاشمی چین میں خدمات انجام دینے والے پہلے پاکستانی سفیر بن گئے ہیں جنہیں یہ اعلیٰ اعزاز حاصل ہوا ہے، جسے دونوں ممالک کے درمیان سفارتی تعلقات میں ایک اہم پیش رفت قرار دیا جا رہا ہے۔

تقریب کے دوران سفیر خلیل ہاشمی نے چینی قیادت کا شکریہ ادا کیا اور کہا کہ وہ یہ اعزاز اپنی سفارتی ٹیم، اپنے خاندان اور پاکستان و چین کے درمیان تعلقات کو مضبوط بنانے کی مشترکہ کوششوں کے نام کرتے ہیں۔

انہوں نے مزید کہا کہ پاکستان اور چین نے ہمیشہ عالمی چیلنجز میں ایک دوسرے کا ساتھ دیا ہے اور دونوں ممالک کے درمیان دوستی وقت کے ساتھ مزید مضبوط ہوئی ہے۔