اردو ورلڈ کینیڈا ( ویب نیوز )راولپنڈی میں مری روڈ پر چیئرمین پاکستان تحریک انصاف عمران خان کے خلاف بیانات پر مبنی بینرز آویزاں کردیئے گئے۔

جمعہ اور ہفتہ کی درمیانی شب لگائے گئے ان بینرز میں سابق وزیراعظم عمران خان کے دور میں کرپشن کے الزامات درج ہیں

رنگ روڈ پر لگے بینر پر لکھا گیا ہے کہ کرپشن میں ملوث پی ٹی آئی بے نقاب ہو گئی ہے۔ وہ پیسے لے کر کہاں گیا عمران خا ن جواب دو
دیگر بینرز پر سابق وزیراعظم کے خلاف الزامات بھی درج ہیں جن میں عمران خان کے اثاثوں میں 5 سال میں 250 فیصد اضافہ ہوا جیسی تحریریں آویزاں ہیں بینرز پر توشہ خانہ کے حوالے بھی عبارت لکھی گئی ہے جبکہ میمز بھی بنائی گئی ہیں