ishtiaq ahmed 
اردو ورلڈ کینیڈا ( ویب نیوز )وفاقی حکومت نے قبائلی اضلاع کے لوگوں کے لیے صحت سہولت کارڈ پر علاج معطل کر دیا ہے۔
وفاقی حکومت کی جانب سے فنڈز فراہم کرنے سے انکار کے بعد انشورنس کمپنی اسٹیٹ لائف نے بھی خیبرپختونخوا حکومت کو آگاہ کر دیا۔
اسٹیٹ لائف انشورنس پاکستان نے خیبرپختونخواہ صحت سہولت پروگرام کو خط جاری کیا ہے جس میں کہا گیا ہے کہ قبائلی اضلاع کے 12 لاکھ خاندانوں کے نام وفاقی صحت سہولت پروگرام سے نکال دیے گئے ہیں۔ اگر یہ جاری رکھنا ہے تو اسے اسٹیٹ لائف انشورنس پاکستان کے ساتھ ایک معاہدے پر دستخط کرنا ہوں گے۔
خط میں کہا گیا ہے کہ "ہمیں وفاقی حکومت کی طرف سے بتایا گیا ہے کہ وہ 30 جون کے بعد پروگرام کو جاری نہیں رکھ سکتے، صوبائی حکومت اس سلسلے میں رہنمائی فراہم کرے۔” ۔ اگر حکومت قبائلی اضلاع کے لیے پروگرام جاری رکھنا چاہتی ہے تو اسے علیحدہ پریمیم ادا کرنا ہوگا۔
