اردو ورلڈ کینیڈا ( ویب نیوز )پنجاب کے ضمنی انتخابات کے بعد کی صورتحال پر حکومتی اتحادی آج ایک ساتھ بیٹھیں گے۔
وزیراعظم نے اہم اجلاس طلب کرلیا، آصف زرداری اور بلاول بھٹو کی بھی شرکت متوقع ہے، اجلاس میں اہم فیصلوں کا امکان ہے۔
ذرائع کے مطابق اتحادی جماعتوں کے اجلاس میں ضمنی انتخابات میں شکست پر تفصیلی تبادلہ خیال کیا جائے گا، وفاقی حکومت کے مستقبل کے حوالے سے بھی اہم مشاورت ہوگی۔
ادھر وزیر اطلاعات مریم اورنگزیب نے بھی کہا ہے کہ وزیراعظم کی ہدایت پر اتحادی جماعتوں کا اہم اجلاس آج ہوگا۔ وزیر اعظم نے پی ڈی ایم رہنماؤں کو لاہور میں اپنی رہائش گاہ پر مدعو کیا ہے۔
دوسری جانب مسلم لیگ ن کی پارلیمانی پارٹی کا اجلاس بھی طلب کر لیا گیا، پنجاب اسمبلی میں فعال کردار اور آئندہ کے لائحہ عمل پر مشاورت ہو گی، مسلم لیگ ن کے قائد نواز شریف ویڈیو لنک کے ذریعے شرکت کریں گے۔ .
