اردو ورلڈ کینیڈا ( ویب نیوز)سابق وزیراعظم اور چیئرمین پاکستان تحریک انصاف عمران خان نے کہا ہے کہ قانون کی حکمرانی کے بغیر جمہوریت قائم نہیں ہوسکتی۔
سماجی رابطے کی ویب سائٹ ٹوئٹر پر ہائی کورٹ کے فیصلے پر ردعمل دیتے ہوئے عمران خان نے کہا کہ ایک مضبوط، آزاد، قابل اعتماد عدلیہ قانون کی حکمرانی کو یقینی بناتی ہے اور آئین کا تحفظ کرتی ہے۔
سابق وزیراعظم نے ایک ٹویٹ میں مزید کہا کہ قوم انتخابات سے متعلق لاہور ہائی کورٹ کے فیصلے کو سراہتی ہے، آئین کی بالادستی اور عدالتی نظام میں امید کی بحالی کے لیے عدلیہ کے ساتھ کھڑی ہے۔
There can be no democracy without rule of law; & a strong, independent, credible judicial system ensures rule of law & safeguards Constitution.The nation appreciates LHC decision on elections & stands behind Judiciary for upholding Constitution & restoring hope in judicial system
— Imran Khan (@ImranKhanPTI) February 11, 2023
علاوہ ازیں صدر ڈسٹرکٹ بار ایسوسی ایشن گوجرانوالہ چوہدری پرویز عابد ہرل ایڈووکیٹ کی قیادت میں وکلا کے وفد نے چیئرمین پی ٹی آئی عمران خان سے ملاقات کی، اس موقع پر انہوں نے باضابطہ طور پر تحریک انصاف میں شمولیت اختیار کی۔
وکلا کے وفد نے ملک میں قانون کی بالادستی کے لیے عمران خان کی کوششوں کی مکمل حمایت کا اعلان بھی کیا۔
