غیر ملکی میڈیا رپورٹس کے مطابق اسرائیلی فوج نے رفح میں گھروں پر بمباری کی جس کے نتیجے میں 25 فلسطینی شہید ہوگئے۔ اسرائیل کی جانب سے پرتشدد واقعات کے نتیجے میں غزہ میں 28,64 فلسطینی شہید اور 67,611 افراد زخمی ہوئے ہیں۔صہیونی فوج نے العمل اسپتال پر بربریت کا سلسلہ جاری رکھا اور مریضوں اور عملے کو یرغمال بنالیا جس پر عالمی ادارہ صحت نے شدید تشویش کا اظہار کیا ہے۔
دوسری جانب سفاک فوج نے سرحدی علاقے رفح پر زمینی حملے کی منصوبہ بندی کی جسے محفوظ قرار دیتے ہوئے رفح سے لاکھوں شہریوں کو فوری طور پر نکالنے کا حکم بھی دے دیا۔ اطلاعات کے مطابق 1.9 ملین بے گھر فلسطینیوں نے رفح میں پناہ لی ہے۔یورپی یونین کی خارجہ پالیسی کے سربراہ جوزپ بوریل نے خبردار کیا ہے کہ رفح میں اسرائیلی جارحیت ایک "ناقابل بیان انسانی تباہی” اور مصر کے ساتھ مزید کشیدگی کا باعث بنے گی۔
