ishtiaq ahmed 
اردو ورلڈ کینیڈا ( ویب نیوز )ق لیگ کے 10 ووٹ مسترد، حمزہ شہباز ایک بار پھر وزیراعلیٰ پنجاب بن گئےپنجاب میں پرویز الٰہی کو 186 اور لیگی امیدوار نے 179 ووٹ حاصل کیے تاہم ڈپٹی سپیکر دوست محمد مزاری نے فیصلہ سناتے ہوئے اور چوہدری شجاعت حسین کے خط کے باوجود مسلم لیگ (ق) کے 10 ووٹوں کو شمار نہیں کیا۔ یہ ووٹ مسترد ہوئے جس کے بعد حمزہ شہباز شریف ایک بار پھر وزیراعلیٰ بن گئے۔
وزیراعلیٰ کے انتخاب کے لیے پنجاب اسمبلی کا اجلاس ڈپٹی اسپیکر دوست محمد مزاری کی زیر صدارت شروع ہوا، اجلاس میں حمزہ شہباز، پرویز الٰہی بھی موجود تھے۔
پنجاب اسمبلی کے اجلاس کے لیے گھنٹیاں بجائی گئیں جس کے ق لیگ اور پی ٹی آئی کے ایم پی ایز ایوان میں پہنچ گئے ، 3 گھنٹے سے زائد وقت گزرنے کے بعد اجلاس شروع ہوا۔ اجلاس کے دوران پی پی 7 کہوٹہ سے مسلم لیگ ن کے منتخب ہونے والے راجہ صغیر نے ایوان میں حلف لیا۔
دیر سے شروع ہونے والے اجلاس میں گنتی کاعمل شروع ہوا پرویز الہیٰ کوایک سوچھالیس جبکہ جبکہ حمزہ شہباز کو ایک سو اناسی ووٹ پڑے تاہم ڈپٹی سپیکر دوست محمد مزاری نے ق لیگ کے دس ووٹ یہ کہتے ہوئے مسترد کردئیے کہ چوہدری شجاعت نے کہا ہے کہ ق لیگ کے وو ٹ حمزہ شہباز کو دئیے جائیں لیکن ان کے ووٹ پرویز الہیٰ کو ڈالے اس لئے دس ووٹ مسترد کئے جاتے ہیں جس پر راجہ بشارت نے سپیکر سے بحث ومباحثہ بھی کیا تاہم ڈپٹی سپیکرنے رولنگ دی کہ حمزہ شہباز وزیر اعلیٰ برقرار رہیں گے
