ishtiaq ahmed 
اردو ورلڈ کینیڈا ( ویب نیوز )دنیا کی مقبول ترین ایپلی کیشن واٹس ایپ نے صارفین کی سہولت کے لیے ایک بار پھر ایپ میں تبدیلی کی ہے۔
واٹس ایپ ہر روز نت نئے فیچرز متعارف کرواتا ہے اور اب اس بار ایپلی کیشن نے اپنے ‘ڈیلیٹ فار ایوریون’ فیچر میں بڑی تبدیلی کی ہے۔
ایپ کی سرگرمیوں پر نظر رکھنے والی ویب سائٹ واٹس ایپ بیٹا انفو کے مطابق چیٹ میں بھیجے گئے پیغامات کو ڈیلیٹ کرنے کا دورانیہ اب بڑھا دیا گیا ہے۔
اپ ڈیٹ سے قبل واٹس ایپ میسجز میں ڈیلیٹ فار ایوری ون فیچر 1 گھنٹہ 8 منٹ اور 16 سیکنڈز کا تھا لیکن اب نئی وقت کی حد 2 دن اور 12 گھنٹے ہو گی یعنی آپ بھیجے گئے میسجز کو دو دن بعد بھی ڈیلیٹ کر سکیں گے
رپورٹ کے مطابق یہ اپ ڈیٹ فی الحال کچھ بیٹا صارفین کے لیے جاری کی گئی ہے جب کہ بتدریج یہ فیچر تمام صارفین کے لیے دستیاب ہو جائے گا۔
واٹس ایپ ڈیلیٹ فار ایوری ون فیچر کو مزید بہتر بنانے کے لیے بھی کام کر رہا ہے، جو آپ کو گروپ ایڈمن ہونے کی صورت میں مستقبل میں گروپس میں موجود کسی بھی پیغام کو ڈیلیٹ کرنے کی اجازت دے گا۔
