ishtiaq ahmed 
امدادی کیمپوں میں خوراک کی عدم فراہمی افسوسناک ہے: وزیراعظم شہباز شریف نے بلوچستان میں سیلاب متاثرین کو کیمپوں میں خوراک کی عدم فراہمی پر شدید برہمی کا اظہار کیا ہے۔
بلوچستان کے علاقے قلعہ سیف اللہ میں سیلاب سے متاثرہ کیمپ کا دورہ کرنے کے بعد میڈیا سے بات کرتے ہوئے وزیراعظم شہباز شریف نے کہا کہ امدادی کیمپوں میں کھانا فراہم نہ کرنا افسوسناک ہے۔ میڈیکل کیمپوں میں کوئی ریکارڈ نہیں تھا۔ مرنے والوں کے لواحقین کو 20 لاکھ روپے دیے جائیں گے۔
وزیراعظم نے کہا کہ امدادی کیمپوں میں کھانا فراہم نہ کرنے پر انتظامیہ کے خلاف فوری کارروائی کی جائے گی۔ سیلاب متاثرین کے کیمپوں میں آج سے صبح اور شام کا کھانا فراہم کیا جائے گا۔ امدادی سرگرمیاں زور و شور سے جاری ہیں۔ تمام متعلقہ ادارے امدادی کاموں میں حصہ لے رہے ہیں۔ میں سیلاب زدگان سے ملا ہوں اور یہاں اموات ہوئی ہیں۔
