ishtiaq ahmed 
72
اردو ورلڈ کینیڈا ( ویب نیوز )مسلم لیگ ن نے قبل از وقت انتخابات نہ کرانے کا فیصلہ کیا ہے۔
وزیراعظم شہباز شریف کی زیر صدارت مسلم لیگ ن کا اجلاس ہوا جس میں پنجاب کے ضمنی انتخابات میں شکست اور دیگر سیاسی امور پر غور کیا گیا۔
ذرائع کے مطابق مسلم لیگ کے اجلاس میں قبل از وقت انتخابات نہ کرانے کا فیصلہ کیا گیا۔
ذرائع کا کہنا ہے کہ مسلم لیگ ن اتحادی جماعتوں کو اپنے فیصلے سے آگاہ کرے گی۔
واضح رہے کہ وزیراعظم شہباز شریف نے گزشتہ روز لاہور میں اتحادی جماعتوں کا اجلاس طلب کیا ہے جس میں سیاسی صورتحال پر تبادلہ خیال کیا جائے گا۔
واضح رہے کہ پنجاب اسمبلی کی 20 نشستوں پر گزشتہ روز ہونے والے ضمنی انتخابات میں پاکستان تحریک انصاف نے 15 اور مسلم لیگ (ن) نے 4 نشستوں پر کامیابی حاصل کی جب کہ ایک نشست آزاد امیدوار کے حصے میں آئی۔
