ishtiaq ahmed 
اردو ورلڈ کینیڈا ( ویب نیوز )پیپلز پارٹی نے اتحادی جماعتوں کے ساتھ کھڑے ہونے کا فیصلہ کیا ہے
پنجاب میں ضمنی انتخاب کے بعد پیپلز پارٹی کی سینٹرل ایگزیکٹو کمیٹی (سی ای سی) کا ہنگامی اجلاس بلاول ہاؤس کراچی میں ہوا۔
پیپلز پارٹی کے رہنما اور سندھ کے وزیر اطلاعات شرجیل میمن نے میڈیا سے گفتگو کرتے ہوئے کہا کہ سی ای سی اجلاس میں سیاسی صورتحال پر تبادلہ خیال کیا گیا اس موقع پر فیصلہ کیا گیا کہ پارلیمنٹ اپنی مدت پوری کرے گی، سی ای سی نے اتحادی جماعتوں کے ساتھ کھڑے ہونے کا فیصلہ کیا ہے۔ ، قیادت کل لاہور میں اتحادیوں سے ملاقات میں شرکت کرے گی۔
شرجیل میمن نے کہا کہ الیکشن میں عمران خان نے الیکشن کمیشن کو متنازعہ بنایا، پیپلزپارٹی نے ہمیشہ جدوجہد کی ہے، اتحادیوں کے ساتھ بیٹھ کر مشاورت سے فیصلے کیے جائیں گے۔
انہوں نے کہا کہ کل لاہور میں ہونے والے اجلاس میں انتخابی اصلاحات پر مشاورت ہوگی، پیپلزپارٹی کے سی ای سی نے فیصلہ کیا ہے کہ انتخابات وقت پر ہونے چاہئیں۔
انہوں نے کہا کہ عمران خان کو چاہیے کہ وہ مسٹر ایکس اور مسٹر وائی سے معافی مانگیں
