اردوورلڈ کینیڈا ( ویب نیوز )وزیر اعظم شہباز شریف نے برطانیہ کے دارالحکومت لندن میں دولت مشترکہ کے رہنماؤں کے اجلاس میں شرکت کی اور اس موقع پر انہوں نے شاہ چارلس سوئم اور اپنے برطانوی ہم منصب رشی سونک سے بھی ملاقات کی
سماجی رابطے کی ویب سائٹ ٹوئٹر پر اپنے پیغام میں وفاقی وزیر اطلاعات مریم اورنگزیب نے شاہ چارلس سوئم کے ساتھ وزیراعظم کی تصاویر شیئر کرتے ہوئے کہا کہ انہوں نے لندن میں کامن ویلتھ لیڈرز کی تقریب میں شرکت کی اور بادشاہ سے ملاقات کی۔
وفاقی وزیر اطلاعات نے کہا کہ شہباز شریف نے پاکستانی عوام کی جانب سے بادشاہ چارلس سوئم کو ان کی تاجپوشی پر مبارکباد دی۔
The Honourable Prime Minister participated in the Commonwealth Leaders Event in London this afternoon. He in London to attend the coronation of King Charles III taking place tomorrow. The Prime Minister met King Charles at the Event and offered him felicitations on behalf of the… pic.twitter.com/0waPof8Yap
— Marriyum Aurangzeb (@Marriyum_A) May 5, 2023
مریم اورنگزیب کا مزید کہنا تھا کہ وزیراعظم نے کنگ چارلس کو دورہ پاکستان کی دعوت بھی دی جب کہ شاہ چارلس نے وزیراعظم سے گفتگو میں اپنے سابقہ دورہ پاکستان کو یاد کیا۔
بعد ازاں دولت مشترکہ کے رہنماؤں کے اجلاس سے خطاب کرتے ہوئے وزیراعظم نے کہا کہ برطانوی بادشاہ چارلس سوئم کی تاج پوشی ایک نئے دور کا آغاز ہے، دولت مشترکہ کی تنظیم کو مضبوط بنانے کے لیے سب کو اپنا کردار ادا کرنا چاہیے، دونوں ممالک کے درمیان دولت مشترکہ کوآرڈینیشن کو بہتر کرنے کی ضرورت ہے۔
شہباز شریف نے پاکستانی نوجوانوں اور ٹیلنٹ کو بہترین مواقع فراہم کرنے کے لیے اپنی حکومت کے عزم کا بھی ذکر کیا۔
انہوں نے کہا کہ پاکستان میں حکومت خواتین اور نوجوانوں کو بااختیار بنا رہی ہے، حکومت پسماندہ طبقات، اقلیتوں، معذور افراد اور ٹرانس جینڈر کمیونٹی کو قومی دھارے میں لا رہی ہے۔
Prime Minister Muhammad Shehbaz Sharif meets British Prime Minister Rishi Sunak on the sidelines of a meeting of the leaders of Commonwealth countries. pic.twitter.com/xTgplf2qTF
— PMLN (@pmln_org) May 5, 2023
اس کے علاوہ شہباز شریف نے اپنے برطانوی ہم منصب رشی سونک سے ملاقات کی اور انہیں برطانوی بادشاہ چارلس سوئم کی دو روزہ تاجپوشی کی تقریبات کے شاندار انتظامات پر مبارکباد دی۔
وزیر اعظم محمد شہباز شریف نے کامن ویلتھ ممالک کے رہنماؤں کے اجلاس کے موقع پر برطانوی وزیر اعظم رشی سنک سے ملاقات کی۔ pic.twitter.com/xTgplf2qTF
— PMLN (@pmln_org) 5 مئی 2023
ملاقات میں وزیراعظم نے گزشتہ سال پاکستان میں آنے والے تباہ کن سیلاب کے تناظر میں برطانیہ کی فراخدلی سے مدد کو سراہا۔
انہوں نے کہا کہ دونوں ممالک کو مختلف شعبوں میں دوطرفہ تعلقات بڑھانے کی ضرورت ہے جس پر انہوں نے مشترکہ کمیشن کے قیام کی تجویز دی۔
اس موقع پر برطانوی وزیراعظم رشی سونک نے بھی دوطرفہ تعلقات کو مضبوط بنانے میں دلچسپی کا اظہار کیا۔
