ishtiaq ahmed 
81
اردو ورلڈ کینیڈا ( ویب نیوز)وزیراعلیٰ پنجاب کے انتخاب کی تیاریاں آخری مرحلے میں داخل، مسلم لیگ ن، تحریک انصاف اور ق لیگ کے ارکان ہوٹل سے پنجاب اسمبلی پہنچ گئے۔ سابق وفاقی وزیر مونس الٰہی کا کہنا ہے کہ ان کی تعداد پوری ہے ۔
ملک کے سب سے بڑے صوبے کے وزیراعلیٰ کے فیصلے کا دن آگیا، پنجاب کے نئے وزیراعلیٰ کا انتخاب آج ہوگا، حمزہ شہباز اور پرویز الٰہی مدمقابل ہیں۔ پارلیمانی پارٹی کا مشترکہ اجلاس ہوا، جس میں 186 ارکان کی تعداد مکمل ہوئی۔ ڈپٹی سپیکر پنجاب اسمبلی اجلاس میں شریک نہیں ہوئے۔
پیپلز پارٹی کی پارلیمانی پارٹی کا اجلاس بلاول ہاؤس میں ہوا، آصف زرداری نے تمام ارکان کو اسمبلی میں حاضری یقینی بنانے کی ہدایت کر دی، سیاسی مخالفین نے ایک دوسرے پر برتری کے دعوے بھی کر د ئیے ۔
