ishtiaq ahmed 
176
اردو ورلڈ کینیڈا ( ویب نیوز )بلوچستان کے مختلف اضلاع میں بارش اور سیلاب سے جاں بحق افراد کی تعداد 132 تک جا پہنچی ہے جب کہ سیکڑوں مکانات بھی تباہ ہو گئے ہیں۔
ریلوے ٹریک کو نقصان پہنچنے کے باعث پاک ایران مال بردار ٹرین سروس معطل کر دی گئی جب کہ قومی شاہراہ کو نقصان پہنچنے کے باعث بلوچستان سے کراچی تک پھلوں اور سبزیوں کی ترسیل بھی معطل ہے۔
لسبیلہ، جھل مگسی اور دیگر متاثرہ علاقوں میں فوج اور دیگر اداروں کا ریسکیو اور ریلیف آپریشن جاری ہے۔ محکمہ موسمیات کے مطابق سیلاب سے متاثرہ علاقوں میں آج بارش کا امکان ہے۔
وزیراعلی بلوچستان عبدالقدوس بزنجو کا کہنا ہے کہ متاثرین کے نقصان کا ازالہ کیا جائے گا اور ان کی جلد از جلد بحالی کی جائے گی۔
