اردوورلڈکینیڈا(ویب نیوز)حکومت نے عیدالاضحیٰ کے سلسلے میں سرکاری ملازمین اور پنشنرز کو تنخواہیں اور پنشن پیشگی ادا کرنے کا فیصلہ کر لیا ہے۔

وزارتِ خزانہ کی جانب سے جاری نوٹیفکیشن کے مطابق مئی 2026 کی تنخواہیں اور پنشن قبل از وقت ادا کی جائیں گی، جس کے تحت ادائیگی 22 مئی کو کی جائے گی۔

وزارت خزانہ کے مطابق عیدالاضحیٰ 27 یا 28 مئی 2026 کو متوقع ہے، اسی وجہ سے یہ فیصلہ کیا گیا ہے تاکہ ملازمین اور ریٹائرڈ افراد کو عید کی تیاریوں میں سہولت حاصل ہو سکے۔

نوٹیفکیشن میں کہا گیا ہے کہ یہ ادائیگیاں وفاقی حکومت کے ریسیپٹس اینڈ پیمنٹ رولز 2025 کے تحت کی جائیں گی۔

مزید برآں کنٹرولر جنرل آف اکاؤنٹس کو بھی ہدایات جاری کر دی گئی ہیں کہ تنخواہوں اور پنشن کی بروقت اور جلد ادائیگی یقینی بنائی جائے۔