ishtiaq ahmed 
185
اردو ورلڈ کینیڈا ( ویب نیوز )توڑ پھوڑ کیس، انسداد دہشت گردی کی عدالت نے پی ٹی آئی رہنماؤں کی ضمانت میں توسیع کردی۔
لاہور کی انسداد دہشت گردی کی عدالت نے لانگ مارچ کے دوران پی ٹی آئی رہنماؤں کے خلاف توڑ پھوڑ کے مقدمات میں عبوری ضمانت کی درخواست پر سماعت کی۔
ملزمان نے مقدمات سے انسداد دہشت گردی کی دفعات ہٹانے کی درخواست بھی جمع کرائی۔
کیس کی سماعت کے بعد عدالت نے پی ٹی آئی رہنماؤں کی عبوری ضمانتوں میں 5 اگست تک توسیع کردی۔
جن پی ٹی آئی رہنماؤں کی ضمانت میں توسیع کی گئی ان میں یاسمین راشد، حماد اظہر، یاسر گیلانی، زبیر نیازی، عندلیب عباس، جمشید چیمہ، شیخ امتیاز، اسلم اقبال، محمود الرشید، ندیم عباس، مراد راس، شفقت محمود اور مسرت شامل ہیں شامل ہیں۔
عدالت نے آئندہ سماعت پر ملزمان کے وکلا کو حتمی دلائل کے لیے طلب کر لیا
