سری لنکا کے صدر کے گھر سے بڑی رقم برآمد ہوئی ،مظاہرین

اردو ورلڈ کینیڈا ( ویب نیوز )سری لنکا میں صدارتی محل پرقبضہ کرنیوالے مظاہرین نےکہا ہے کہ صدر گوٹابھایا راجا پاکسے کے محل سے بڑی رقم ملی ہے

ہنگامہ آرائی میں پولیس نے ہفتے کے روز ایک ریلی پر دھاوا بول دیا، سینکڑوں مظاہرین کو ٹرک کے ذریعے ہٹا دیا گیا مقامی میڈیا کے مطابق مظاہرین نے کہا ہے کہ صدرکے محل سے بہت زیادہ پیسے بر آمد ہوئے ہیں

سری لنکا کے روزنامے کے مطابق مظاہرین کا کہنا تھا کہ برآمد شدہ رقم سیکیورٹی یونٹس کے حوالے کر دی گئی ہے۔ سوشل میڈیا پر جاری ہونے والی ویڈیوز میں مظاہرین کو رقم کی گنتی کرتے دیکھا جاسکتا ہے

حکام کا کہنا ہے کہ مظاہرین کے دعوؤں کی تصدیق کے بعد ہی صورتحال پر حتمی فیصلہ کیا جائے گا۔ سری لنکا کے چیف آف ڈیفنس اسٹاف جنرل شویندرا سلوا نے شہریوں اور پرامن رہنے اورسکیورٹی فورس کے ساتھ تعاون کی اپیل کی ہے