اردو ورلڈ کینیڈا ( ویب نیوز )وزیراعلی پنجاب کا انتخاب: پی ڈی ایم میں شامل جماعتوں نے وزیراعلی پنجاب کے انتخاب کے معاملے میں فل کورٹ بینچ کے لیے کل سپریم کورٹ سے رجوع کرنے کا فیصلہ کیا ہے۔
تفصیلات کے مطابق وزیراعلی پنجاب کے انتخاب کے معاملے میں حکومتی اتحاد اور پی ڈی ایم جماعتوں نے فل کورٹ بینچ کی تشکیل کے لیے سپریم کورٹ میں درخواست دائر کرنے کا فیصلہ کیا ہے۔ حکومتی اتحاد اور پی ڈی ایم جماعتوں کے قائدین نے کل صبح ساڑھے 10 بجے مشترکہ پریس کانفرنس میں اہم اعلان کریں گے اور پریس کانفرنس کے بعد اپنے وکلا کے ساتھ سپریم کورٹ جائیں گے۔
رپورٹس کے مطابق وزیراعلی پنجاب کی درخواست، سپریم کورٹ بار کی نظرثانی درخواست اور متعلقہ درخواستوں کو ایک ساتھ سننے کی استدعا کی جائے گی۔ درخواست گزاروں میں ایم کیو ایم، اے این پی، بی این پی، بی اے پی اور دیگر اتحادی جماعتیں شامل ہیں۔
