اردوورلڈ کینیڈا ( ویب نیوز )عوامی مسلم لیگ کے سربراہ اور سابق وزیر داخلہ شیخ رشید احمد نے کہا ہے کہ آج اور آنے والا کل اہم فیصلوں کے دن ہیں، دیکھتے ہیں اونٹ کس کروٹ بیٹھتا ہے
سوشل میڈیا ویب سائٹ ایکس (ٹوئٹر) پر اپنے پیغام میں شیخ رشید نے کہا کہ نگراں حکومت اور اس کے وزیراعظم کے نام پر ابھی تک الجھن ہے، قوم کب تک انتظار کرے گی، آج اور کل اہم فیصلوں کے دن ہیں
ابھی تک نگران حکومت اور اُس کے وزیراعظم کا نام الجھا ہوا ہے کب سلجھے گا قوم کو انتظار ہے KPKکی ساری نگران کابینہ سیاست میں ملوث پائی گئی اور الیکشن کمیشن نے اسےگھر بھیج دیا آج اور کل اہم فیصلوں کا دن ہے دیکھتے ہیں اونٹ کس کروٹ بیٹھتا ہے شہباز شریف کہتا ہےنوازشریف واپس آئیں گے…
— Sheikh Rashid Ahmed (@ShkhRasheed) August 11, 2023
انہوں نے کہا کہ خیبرپختونخوا کی پوری نگران کابینہ سیاست میں ملوث پائی گئی اور الیکشن کمیشن نے انہیں گھر بھیج دیا۔
عوامی مسلم لیگ کے سربراہ کا مزید کہنا تھا کہ حکومت نے یوٹیلیٹی سٹور پر غریبوں کو دی جانے والی سبسڈی پر بمباری کر دی، 16 ماہ پاکستان کی سیاست کا سیاہ ترین تاریخی دور تھا، سیاسی صورتحال سنگین اور سنگین ہوتی جا رہی ہے۔
