اردو ورلڈ کینیڈا ( ویب نیوز ) برطانوی وزیرِ اعظم سر کیئر اسٹامر نے برطانیہ میں 16سال سے کم عمر بچوں کے لیے سوشل میڈیا کے استعمال پر پابندی لگانے کا اعلان کر دیا۔

غیرملکی خبررساں ادارے کے مطابق پیر کو جاری ایک بیان میں انہوں نے کہا کہ حکومت 16 سال سے کم عمر تمام بچوں کے لیے سوشل میڈیا تک رسائی پر پابندی عائد کرے گی۔سر کیئر اسٹامر کا کہنا تھا کہ 16 سال سے کم عمر بچوں کے لیے سوشل میڈیا پر مکمل پابندی ہی درست فیصلہ ہے۔ان کا کہنا تھا کہ بڑی ٹیکنالوجی کمپنیوں کے خلاف کارروائی کے لیے ریگولیٹری ادارہ موجود ہے۔برطانوی وزیرِ اعظم کیئر اسٹارمر نے مزید کہا کہ ہم تیار ہیں اور پراعتماد ہیں کہ یہ پابندی مثر ثابت ہو سکتی ہے۔انہوں نے یہ بھی کہا کہ گیمنگ سروسز اور لائیو اسٹریمنگ پلیٹ فارمز کے حوالے سے قوانین سخت کر رہے ہیں۔