اردوورلڈکینیڈا(ویب نیوز)کینیڈا کے سابق وزیراعظم برائن ملرونی کی زندگی اور سیاسی سفر پر بنائی گئی طنزیہ دستاویزی فلم Ladies and Gentlemen, Brian Mulroney نے ونڈسر انٹرنیشنل فلم فیسٹیول 2026 کا اہم ترین کینیڈین فلم ایوارڈ اپنے نام کرلیا ہے۔ فلم کے ہدایت کار میتھیو رینکن کو اس اعزاز کے ساتھ 25 ہزار کینیڈین ڈالر کی انعامی رقم بھی دی جائے گی۔
ایوارڈ کا اعلان اتوار یکم نومبر کو ونڈسر انٹرنیشنل فلم فیسٹیول کی خصوصی تقریب میں کیا گیا، جہاں نامزد فلموں کے نمائندے، جیوری ارکان اور فلمی صنعت سے وابستہ شخصیات بھی موجود تھیں۔
فلم میں برائن ملرونی کے سیاسی سفر کو منفرد انداز میں پیش کیا گیا
ہدایت کار میتھیو رینکن کی یہ فلم برائن ملرونی کے سیاسی عروج اور ان کی عوامی شخصیت کے مختلف پہلوؤں کو منفرد اور طنزیہ انداز میں پیش کرتی ہے۔ فلم میں آرکائیو فوٹیج، ملٹی میڈیا کولاج اور رنگین بصری تکنیکوں کا استعمال کیا گیا ہے، جس کے ذریعے سابق وزیراعظم کی سیاسی زندگی کو روایتی دستاویزی فلموں سے مختلف انداز میں دکھایا گیا ہے۔
فلم کا پریمیئر ٹورنٹو انٹرنیشنل فلم فیسٹیول میں ہوا تھا، جہاں اسے ناظرین کی جانب سے بھی پذیرائی ملی۔ ونڈسر فلم فیسٹیول میں اس فلم کو دس نامزد فلموں میں سے منتخب کیا گیا۔
آج ناظرین کے لیے مفت نمائش
فیسٹیول انتظامیہ کے مطابق ایوارڈ یافتہ فلم کی خصوصی مفت نمائش 2 نومبر کو شام ساڑھے سات بجے ونڈسر کے آرمریز، شیہن ہال میں کی جائے گی۔ اس کامیابی کو کینیڈین سنیما کے لیے اہم اعزاز قرار دیا جارہا ہے
