اردوورلڈ کینیڈا( ویب نیوز)وزیر اعظم شہباز شریف نے پنجگور میں فائرنگ اور مزدوروں کے قتل کے واقعے کی شدید مذمت کرتے ہوئے وزیر اعلیٰ بلوچستان سے رپورٹ طلب کر لی۔
وزیراعظم نے جاں بحق افراد کے درجات کی بلندی کے لیے دعا کی اور لواحقین سے اظہار تعزیت کرتے ہوئے زخمی مزدور کی جلد صحت یابی کی دعا کی اور انہیں ہر ممکن طبی امداد فراہم کرنے کی ہدایت کی۔
انہوں نے کہا کہ بے گناہ مزدوروں پر حملوں کے گھناؤنے واقعات کی مذمت کی جائے۔
وزیر اعظم نے وزیر اعلیٰ بلوچستان سے واقعے کی رپورٹ طلب کرتے ہوئے مجرموں کو کیفر کردار تک پہنچانے کے لیے ہر ممکن اقدامات کرنے کی ہدایت کی۔
انہوں نے کہا کہ وہ پاکستان سے ہر قسم کی دہشت گردی کو جڑ سے اکھاڑ پھینکنے کے لیے پرعزم ہیں۔